Policia e Tiranës ka arrestuar në flagrancë shtetasin M.B., pasi akuzohet për shpërthimin e karburantit që ndodhi mbrëmjen e djeshme në Kombinat.
Mësohet se 24 vjeçari akuzohet për veprat penale “Shkatërrim i pronës”, “Largim nga vendi i aksidentit” dhe “Drejtim i automjeteve në mënyrë të parregullt”.
Kujtojmë që dje i riu teksa drejtonte pa leje drejtimi një motoçikletë ka humbur kontrollin duke u përplasur me bombolën e gazit të një karburanti, e cila shërbente për furnizimin me gaz të automjeteve, duke shkaktuar rrjedhje të saj dhe më pas djegien e gjithë pikës së karburantit.
Nga përplasja nuk ka pasur persona të plagosur, vetëm dëme materiale të mjetit të aksidentuar dhe dëmtimi i një prej shtyllave ndriçuese të rrugës.
