KFOR i ka kthyer përgjigje në mënyrë indirekte presidentit të Serbisë Aleksandër Vuçiç, lidhur me paralajmërimin, se nëse BE nuk do të ndërhyjë për largimin e njësive speciale ROSU nga Veriu i Kosovës, Serbia do të reagojë vetë.
Në një prononcim median serbe Tanjug zëdhënësi i KFOR Vincenzo Graso, ka thënë se ‘KFOR-i vetëm do ta vëzhgojë situatën”, ndërsa shton se ky është një aksion normal i Policisë së Kosovës.
“Operacioni i Policisë së Kosovës po ndodh me urdhër të Prokurorit të Kosovës dhe nuk po ndodh vetëm në veri si dhe nuk është i drejtuar vetëm kundër serbëve, por ndaj të gjithë atyre që janë të përfshirë në krim dhe korrupsion”, shprehet Graso, ndërsa shton se po e përcjell situatën.
