Pak muaj nga zgjedhjet e ardhshme europiane liderja e së djathtës franceze Marine Le Pen, deputete e Parlamentit francez dhe kryetarja e forcës politke “Ressamblement” (dikur Front National) ka mbërritur sot në Romë dhe ka zhvilluar një takim pune me zëvendës-kryeminsitrin italian Matteo Salvini, liderin e partisë së djathtë italiane “Lega”.
Qëllimi i këtij takimi është forcimi i aleancës populiste në Europë në prag të zgjedhjeve europiane të majit 2019 duke synuar ndryshimin radikal të sistemit politik në Europë.
Mediat italiane nënvizojnë forcimin e figurës së Matteo Salvinit në të djathtën europiane duke kujtuar se nëse më 2014 ishte lideri i Lidhjes i cili kërkonte aleancë politike tek La Pen, sot pas 4 vitesh skenari ka ndryshuar në favor të liderit italian, pasi është La Pen që vjen në Romë e kërkon mbështetjen e Salvinit.
Le Pen e Salvini kanë marrë pjesë në konferencë të organizuar në Romë nga UGL (Bashkimi i organziatave Sindikale Italiane) nga ku më pas Matteo Salvini tha se “forcat e së djathtës janë duke mbledhur trashëgiminë sociale të së majtës italiane e cila ka humbur vlerat e saj. Në selitë e Partisë Demokratike hyjnë sot më shumë bankierë se sa punëtorë”.
Përballë sindikalistëve e mediave lideri i Lidhjes duke iu referuar zgjedhjeve të ardhshme europiane u shpreh se “në maj të 2019 do të kemi revolucionin e ‘buon-sensit’. Me La Pen na bashkojnë principet, vlerat, koherenca, krenaria e kërkojnë rritje ekonomike prespektiva sociale për Europën.”
“Së bashku me La Pen, shtoj Salvini, jemi kundër Juncker e Mosocvic, që janë armiqtë e Europës të mbyllur në bunkeret e Brukselit, janë armiqtë e popujve europiane e lumturisë së tyre. Pavarësisht titujve të gazetave e titujve bankar, qytetarët e japin votën për të drejtën e punës, për të drejtën e pensionit.”
“Me Salvini do të luftojmë kundër Bashkimit Europian e për të shpëtuar Europën”, është shprehur Marine La Pen. Bashkimi Europian, tha ajo, ka shkelur vlerat e solidaritetit e tashmë jemi në një moment historik. Në maj do të kemi një Bashkim Europian të ri me vlera të reja e kundër globalizimit.”
Marine La Pen ashpërson fjalimin e saj duke e shprehur se “Bashkimi Europian nuk është ndërtuar për të mirën e popullit, por të forcuar fuqinë e një klase të vogël botërore që prodhon shumë para. Bashkimi Europian, tha ajo është ngritur për të mohuar popujt e qëllimi ynë është t’i kthejmë popullit fuqinë e tij.”
