Sekretarja e Jashtme e Mbretërisë së Bashkuar Liz Truss ka deklaruar ditë e sotme se sanksionet e koordinuara ndërkombëtare kanë ngrirë 60% të industrisë së luftës së Rusisë.
Duke folur në një konferencë shtypi pas takimit me homologun e saj polak Zbigniew Rau, Truss tha se më shumë se 350 miliardë dollarë nga rezervat e valutës së huaj të Rusisë nuk janë më të disponueshme për regjimin e Presidentit Vladimir Putin.
Këto sanksione “dëmtuese” po e shtyjnë ekonominë ruse “në epokën sovjetike”, tha ajo.
Truss i kërkoi grupit G7 të vendeve të pasura që të shkojnë më tej në sanksionet e tyre përpara takimit të tij këtë javë.
Sekretarja e Jashtme tha se masat e mëtejshme kundër Moskës duhet të synojnë transportin detar, bankat dhe tregtinë e arit, si dhe të bien dakord për një afat kohor për të eliminuar importet e naftës dhe gazit rus. Ajo shtoi se e vetmja mënyrë për t’i dhënë fund luftës ishte që Rusia të humbiste në Ukrainë.
