Pas një super-opersacioni të policisë në 3 qytete mëngjesin e sotëm u bë e mundur arrestimi i Redjan Rrajas, nipi i deputetit të PS Rahman Rrajës, si i dyshuar kryesor për atentatin ndaj prokurorit të Durrësit, Arjan Ndojës.
Mësohet se Rraja, i cili po mbahet në Komisariat, e ka mohuar atentatin, por ai është ‘tradhtuar’ nga shenjat që u gjetën në makinë e braktisur pas atentatit.
Nga provat që vetë ka lënë në “Benzin” gri që u përdor për të vrarë prokurorin Ndoja, në një prej maskave është gjetur pështyma e tij, e cila përputhet plotësisht më atë që ndodhet në arkivin e Policisë pas rindërtimit të profilit gjenetik.