Pasditen e sotme në orën 17:00 mbyllet afati për aplikimin për Lotarinë Amerikane. Procesi u hap në datë 2 tetor ora 18:00 dhe përfundon pasditen e sotme. Për ata që ende nuk kanë aplikuar kanë edhe pak orë në dispozicion.
Regjistrimet për Programin e Lotarisë DV-2020 duhet të kryhen në mënyrë elektronike. Aplikimet me letër ose aplikimet e vonuara nuk do të pranohen. Ligji lejon vetëm një regjistrim për çdo person gjatë periudhës së regjistrimit. Departamenti i Shtetit përdor teknologji të sofistikuar për t’u vënë në dijeni të regjistrimeve të shumëfishta. Individët që kanë aplikuar më shumë se një herë gjatë një periudhe regjistrimi do të skualifikohen.