Një vrasje me armë zjarri ka ndodhur në Lushnje.
Një shtetas 40-vjeçar është vrarë me kallashnikov, pasi është qëlluar me breshëri teksa ka qenë në një lokal.
Ai është identifikuar si 40-vjeçari Besmir Hida.
Ai ka qenë në katin e dytë të një lokali duke pirë kafe dhe ka qenë i vetëm në tavolinë. Një person, i maskuar i është afruar dhe e ka qëlluar me breshëri duke e lënë të vdekur në vend.
Më pas, sipas dëshmive të para nga vendi i ngjarjes, ai është qëlluar nga njëe distancë shumë e afërt.
Ndërkohë që me pas, thuhet se është larguar me shpejtësi me një automjet.
Sipas të dhënave të para mësohet se viktima ishte i njohur në zonë pasi kishte një pikë që grumbullonte makinat e përdorura.