Gazetari Poli Hoxha tha se situata në PD është fillimi i një procesi që do t’i vinte momenti në një ditë të caktuar.
Ai shtoi se në PS situatë është më e dhimbshme dhe do të jetë edhe më i dhimbshme si proces, pasi do të ketë shpërthime dhe arrestime ministrash.
“Ky është fillimi i një procesi që do t’i vinte momenti në një ditë të caktuar. Erdhi nga një forcë nga jashtë sikurse është SHBA që përdorën non grata për Berishën. Ka një dialektikë për 30 vite në parti, që ziejnë dhe që janë mundur që t’i trukojnë nga brenda.
Nga ana tjetër unë them se në PS situatë është më e dhimbshme dhe do të jetë edhe më i dhimbshme si proces. Atje ka një natyrë tjetër; nëse në PD ka përplasje për partinë, atje ka një natyre penale dhe korrupsioni. Ky korrupsion do të shpërthejë edhe me përplasje të brendshme dhe arrestime ministrash”, u shpreh Hoxha ne “Ora e Betit”.
