Akuzat ndaj ish-liderëve të UÇK-së dhe raporti i bujshëm i Dick Marty/ Ish-ambasadori shqiptar në Rusi ngre dyshimet dhe flet me emra: Ja kush fshihet pas

0
250

Ish ambasadori i Shqipërisë në Rusi, Shaqir Vukaj ka komentuar akuzat ndaj ish-luftëtarëve të UÇK-së dhe raportin e Dick Martin.

“Me daljen në skenë të UÇK-së menjëherë institucionet zyrtare ruse filluan sulmet ndaj UÇK-së, ku u aktivizuan ushtarak, politikan, analistë, historianë dhe kryesorja institucione zyrtare si Ministria e Jashtme dhe qeveria” – tha Vukaj për Euroneës Albania.

Ai tregoi se sulmet gjatë gjithë asaj kohe kanë qenë të jashtëzakonshme.

“Terroriste, kriminele dhe trafikante”, kështu cilësohej Ushtria Çlirimtare e Kosovës.

Pyetur në lidhje me ngjashmërinë midis akuzave të atëhershme dhe akuzave aktuale z. Vukaj tregoi se nuk gjen ndonjë ndryshim të madh përveç dokumenteve pak më të sistemuara dhe gjuhës juridike të përdorur.

Ndërkaq ai solli një shembull që lidhej me Dik Martin.

“Historia me Dik Martin në Rusi është e vjetër. Fillon me Karla Del Ponten që në vitin 99’, pra sapo kishte mbaruar lufta në Kosovë. Një delegacion shkoi dhe takoi Del Ponten dhe ajo e la natën e Krishtlindjeve dhe u mor me nje raport të jashtëzakonshëm që kishte përgatitur Duma për krimet e UÇK-së në Kosovë.

Më vonë siç e ka deklaruar dhe vetë Dik Marti, Rusia ishte iniciatorë e këtij problemi, pra e materialeve të raportit të Dik Martit,” – u shpreh Shaqir Vukaj.

Sipas tij prania e Rusisë është kudo jo vetëm si hartuese e materialeve por edhe si nxitëse.

Ai ju referua fillimisht materialeve të ditëve të fundit dhe qëndrimeve zyrtare të Dumës shtetërore nëpërmjet një deputeteje, anëtare e Komitetit të Jashtëm që cilësoi krimet e Thaçit si të llahtarshme, krime për të cilat ata ishin në dijeni tashmë prej 20 vitesh.

“Ato krime e mbajtën Thaçin deri tani sepse ju duhej për të frikësuar serbët dhe për t’i bërë presion Beogradit,” – tregoi Vukaj bazuar në deklaratën e Dumës ruse.

Ndërkohë që reagimet e përfaqësues zyrtare të Ministrisë së Jashtme, siç tregoi ish-ambasadori i Shqipërisë në Rusi, kanë qenë përsëri negative duke theksuar se bota po i sheh krimet e të “ashtuquajturit shtetit të Kosovës”.

LEAVE A REPLY

Please enter your comment!
Please enter your name here