Gazetari i njohur spanjoll, Manu Karrenjo, ka dalë në mbrojtje të sulmuesit të talentuar, Lamine Jamal, pas debatit të krijuar rreth trajtimit të veçantë që po merr ylli i Barcelonës nga përfaqësuesja e Spanjës. Lamine nuk do të jetë në dispozicion për ndeshjen ndaj Çekisë, pasi po rikuperohet në Barcelonë nga shqetësimet në gju.
Megjithatë, synimi është që ai të jetë i gatshëm për përballjen e së dielës ndaj Anglisë. Për Karrenjon, vendimi i përbashkët mes Barcelonës dhe Federatës është plotësisht i arsyeshëm. “Duhet të pranojmë se Lamine nuk është si të gjithë të tjerët, na pëlqeu apo jo. Mendoj se është hera e parë në historinë e futbollit spanjoll që kemi lojtarin më të mirë në botë”, deklaroi Karrenjo.
Ai shtoi se është e rëndësishme që Barcelona dhe Federata Spanjolle kanë arritur të bashkëpunojnë për të mirën e futbollistit.
