Në Komisionin e Ekonomisë po diskutohet sot shkarkimi i Arben Malajt, i cili teksa foli për punën e tij ndër vite tregoi edhe vështirësitë që ka kaluar familja e tij.
Sipas ish-ministrit të Financave, për të ikur në Amerikë, ata janë kërcënuar.
Malaj ka theksuar se gjërat nuk janë aq të lehta sa duken, ku Rama i dërgon një mesazh në mesnatë Braçes.
“Në 2014 dëshiroja të shërbeja, po nuk më lejoi PS. Vlerësimet që më kanë bërë anëtarët e Komisionit ishin maksimale. Shërbeva për dy vjet, edhe pse nuk kishin ndërmend të më votonin. Unë nuk e kam me merak nëse më zgjidhni për të drejtuar komisionin. Por jo, e kuptova shumë qartë që pasi votuan pesë veta nuk do bëheshin.
E di edhe me anë të familjes time, për të ikur në Amerikë ata janë kërcënuar. Gjërat nuk janë aq të lehta sa duken, sa ngrihet natën Edi Rama dhe i dërgon një mesazh në telefon Erion Braçes”, tha ndër të tjera Malaj.
