Kryeministri Edi Rama ka udhëtuar ditën e sotme drejt Gjermanisë, edhe pse jo këtë herë për angazhime politike, por për të hapur një ekspozitë në qytetin Rostok.
Bëhet fjalë për një ekspozitë me punimet e tij personale, kryesisht me piktura murale dhe skulptura në qeramikë, por siç duket gjërat nuk kanë shkuar ashtu si kryeministri i kishte parashikuar.
Pesë nga punimet e Ramës janë dëmtuar gjatë transportit dhe këtë fakt e bën të ditur media gjermane “Ost See”.
“Pesë skulptura qeramike të Ramës nuk e kanë përballuar dot rrugën përgjatë Ballkanit. Ato kanë pësuar krisje, për shkak të materialit të brishtë dhe paketimit aventuresk, që nuk shkonim mirë sëbashku. Por Rama e bën të lehtë situatën. “Nesër vjen kuratori nga Tirana dhe riparon”, ka thënë Rama”, thuhet në artikullin e medias gjermane, ndërkohë që tregon se këtë radhë Rama është paraqitur në Rostok si një qytetar i thjeshtë.
“Rama është qytetar privat në Rostok, aty e ka sjellë me makinë ambasadori i Shqipërisë si shofer”, thuhet më tej.
“Një hapësirë mahnitëse. Nga dyshemeja në tavan, çdo mur është i mbuluar me veprat e tij artistike”, shkruan “Ost See’.
Ekspozita e kryeministrit në Gjermani është hapur ditën e sotme dhe do të vazhdojë të jetë e hapur deri më 6 janar, ndërsa bileta është 4 euro.
