Reshjet e dendura të shiut kanë shkaktuar probleme në zonën e Thethit, ku raportohet për përmbytje dhe shembje gurësh në disa segmente të rrugës.
Sipas informacioneve paraprake, si pasojë e rënies së gurëve, një pjesë e banorëve dhe turistëve kanë mbetur të bllokuar, ndërsa situata në zonë vijon të jetë problematike.
Përveç vështirësive të krijuara nga moti i keq, banorët e Thethit raportohet se prej disa ditësh janë pa energji elektrike.
