Përleshje të ashpra janë shënuar midis protestuesve dhe policisë në Los Angeles pasi dhjetëra emigrantë u arrestuan pas masave të ashpra të vendosura nga Shtëpia e Bardhë. “Cari i kufirit”, Tom Homan, mbërriti në metropol për të monitoruar nga afër bastisjet policore kundër emigrantëve. Në një intervistë me Fox News, ai tha se Garda Kombëtare do të thirrej . Presidenti Trump i hodhi benzinë zjarrit në rrjetin social Truth: “Guvernatori i Kalifornisë, Gavin Newscum dhe kryetarja e bashkisë së Los Angeles, Karen Bass, nuk janë në gjendje të bëjnë punën e tyre, gjë që të gjithë e dinë, kështu që qeveria federale do të ndërhyjë dhe do ta zgjidhë problemin e trazirave dhe plaçkitësve në mënyrën e duhur!!!”.
Sekretari i Mbrojtjes i SHBA-së, Pete Hegseth, gjithashtu e bëri të dëgjohet zëri i tij : “Nëse dhuna vazhdon,” shkroi ai në X, “marinsat në detyrë aktive në Kampin Pendleton do të mobilizohen gjithashtu. Ata janë në gatishmëri maksimale.” Përgjigja e Guvernatorit Newsom ishte e menjëhershme. “Qeveria federale po mobilizon Gardën Kombëtare të Kalifornisë dhe po vendos 2,000 trupa në Los Angeles jo sepse ka mungesë të zbatimit të ligjit”, shkroi ai në X, “por sepse duan një shfaqje. Mos ua jepni këtë. Mos përdorni kurrë dhunë. Flisni në mënyrë paqësore.” Trump këmbëngul në një pikë.
“Këto protesta të së majtës radikale, nga nxitës dhe shpesh ngacmues të paguar, nuk do të tolerohen më.” Dhe ai ka shpejguar edhe se çfarë ka ndërmend të bëjë: “Nuk do të na lejohet më të mbajmë maska gjatë protestave. Çfarë kanë për të fshehur këta njerëz dhe pse?” Rreth dy mijë anëtarë të Gardës Kombëtare të SHBA-së do të dërgohen në shtetin e Bregut Perëndimor për të rivendosur rendin.