Anëtari i Komisionit të Rithemelimit të PD, Keltis Kruja u shpreh mbrëmjen e djeshme në emisionin ‘Opinion’ se në selinë e PD ka persona të armatosur që mbrojnë kryetarin e PD, Lulzim Basha. Kruja tha se personat e armatosur janë konstatuar ditën që sipas tij, u dhunuan zyrat e FRPD.
Ndërkohë, gazetari Artan Hoxha tha se ka pretendime se një grup personash të ardhur nga Maqedonia e Veriut kanë shkuar në selinë e PD për të mbrojtur Bashën. Hoxha theksoi se këto janë pretendime të cilat duhen të verifikohen.
Pjesë nga diskutimi:
Artan Hoxha: Po kishte njerëz të armatosur pasi njerëzit që shoqërojnë Bashën janë katër dhe janë të armatosur.
Blendi Fevziu: Janë të gardës?
Artan Hoxha: Po, pikërisht pra
Keltis Kruja: Kanë qenë njerëz të tjerë të armatosur kur ka ndodhur bastisja e zyrave të FRPD, sepse përmes një dere tjetër për te zyra e kryetarit të PD.
Artan Hoxha: Tek e Bashës.
Kletis Kruja: E kryetarit të PD, jo e Bashës. në atë moment ka patur njerëz të armatosur për të cilët kanë referuar anëtarët e FRPD dhe janë identifikuar dhe do i bëjmë të ditur në një moment tjetër.
Artan Hoxha: Është pretenduar se një grup nga Maqedonia e Veriut kanë ardhur aty në mbështetje të kryetarit të PD. Është thënë që kanë ardhur, por duhen identifikuar.
