Teatri “Migjeni” në 72- vjetor, premiera e parë më 26 maj të 1950

0
10

Më 24 nëntor 2021 u shënua 72- vjetori i themelimit të teatrit “Migjeni”, “Nderi i Kombit”. Teatri “Migjeni” në Shkodër publikoi të mërkurën, 72- vjetori i trupës së teatrit “Migjeni”, në fokusin e statistikave. Trupa profesioniste e teatrit “Migjeni” u krijua me 24 nëntor 1949, në zbatim të vendimit nr. 572 të Këshillit të Ministrave të asaj kohe. Trupa përbëhej nga një regjisor ( Andre Skanjeti), tetë aktorë profesionistë (Çezarina Çiftja, Antonjeta Fishta, Vitore Nino, Adem Kastrati, Ndoc Deda, Ndrek Prela, Paulin Lacaj dhe Tef Krroqi), dymbëdhjetë aktorë amatorë ( Tinka Kurti, Bahrije Mani, Fadile Mustafa, Zef Jubani, Lin Gjoni, Enrik Prendushi, Gjovalin Çarkashija, Halim Kali, Kolec Tarfuku, Çesk Vuksani, Muhamet Ulqinaku). Po ashtu tetarin vijon se sufler ishte Palok Kurti, skenograf Pjetër Deda, marangozë Lec Prendi, Kin Marashi, rekuizitier Ndoc Bazhdari, rrobaqepës Ejll Gjushi, llogaritar Zef Jubani. Premiera e parë u shfaq, më 26 maj 1950. Teatri “Migjeni” shkruan se gjatë 71 viteve, kjo trupë ka realizuar 226 premiera, me një mesatare prej 3.01 në vit. “Nga këto 228 premiera ishin 138 drama, 66 komedi, 7 teatër poetik, 4 monodrama, 10 drama dhe 1 komedi për fëmijë. Në 72 vite kanë interpretuar 96 aktorë profesionistë, nga këto 34 aktore femra dhe 282 aktorë amator. Në 228 premierat kanë kontribuar 70 dramaturg shqiptar nga këto 1 grua, 45 regjisorë, nga këto 5 regjisore, 46 skenografë ku nga këto 2 skenografe, 5 koreograf, 9 kostumograf dhe nga këto 7 kostumografe. Teatri shkruan se ky numër është më i madh në realitet, por para viteve ‘90 kostumet i kanë dizenjuar skenografët dhe nuk janë shënuar në posterat e shfaqjeve. Institucioni shprehet se këto statistika po paraqiten në sintezë, marrë nga studimi i realizuar nga arkivisti i teatrit dhe i mbështetur në dokumentet origjinal të arkivës ekzistuese të teatrit “Migjeni”.

PËRGJIGJU

Shkruani komentin tuaj
Vendosni emrin tuaj