“Nuk rrezikojmë valë tjetër”, epidemiologu Alimehmeti jep lajmin e mirë për situatën e COVID-19 në vendin tonë: Ja çfarë pritet të ndodhë deri në mesin e muajit tetor!

0
207

Epidemiologu Ilir Alimehmeti ka dhënë informacione mjaft optimiste për situatën e COVID-19 në vendin tonë.about:blank

Mjeku ka theksuar për emisionin ‘ABC Live’ se shifrat tregojnë se ka një ulje të numrit të të infektuarve duke bërë që në mesin e tetorit të kemi një situatë të stabilizuar. Sipas mjekut varianti Delta është ai që është mbizotërues dhe deri më tani nuk mund të flasim për një valë tjetër pasi nuk kemi asnjë variant të ri në qarkullim.

“Në këtë moment rastet janë në rënie dhe numri i pacientëve të shtruar, po ashtu normalisht do të bie dhe numri i viktimave. Por mund të ketë një valë tjetër, por kjo mundësi është më e vogël se pranverën e kaluar, të cilat lidhen kryesisht me variante të reja por fatmirësisht për momentin në shkallë globale nuk ka një variant të ri.

Delta krahas variantit alfa tek ne ka diferencë madhore mjafton që të kujtojmë diskutimet në shkurt dhe në shtator. Mund të ketë raste por 98% e rasteve janë Delta, varianti Mu ne e kemi parë që në janar më parë që nuk u hap siç ndodhi me Deltën që u shfaq në fund të marsit e cila po mbizotëron dhe variantin mu.

Ne nuk mund të parashikojmë një valë tjetër pa u shfaqur, një shenjë për rifillim vale. Mund të ketë vatra të vogla të vazhdueshme, hapësira që ka virusi për të krijuar variante të reja është ezauruar. Ne sa herë që kemi një rënie të valës ne theksojmë imunitetin”, ka thënë doktori.

Alimehmeti në fjalën e tij ka komentuar humbjen e jetëve të nënave shtatzëna, apo atyre që sapolindin, ku thekson se imuniteti i tyre është shumë më i dobët se një bashkëmoshatare e tyre që nuk është shtatzëne.

“Numri spitalor sot në Infektiv ishte 155 dhe 230 një javë më parë ka një rënie, dhe është e vetmja shifër që raportohet, dhe të sëmurët e tjerë në spitalet e tjera nuk raportohen. Risku i një gruaja shtatzënë është më i lartë se një grua në të njëjtën moshë. Shqipëria ka 28 deri në 30 mijë lindje, ne nuk e dimë sesa janë në terren të sëmura, por mbetet për të theksuar se gratë shtatzëna që janë moshë të re janë më pak të rrezikuara se moshat e vjetra dhe më të rrezikuara se një grua e moshës së tyre, pasi një grua shtatzënë është shumë e lodhur duhet ta pranojmë këtë”, ka thënë ai.

Ndër të tjera ai ka komentuar edhe faktin se pse varianti Delta prek më shumë moshat e reja, ku shprehet se fakti kryesor është se ato nuk janë vaksinuar ndaj dhe kemi këtë trend krahasuar me moshat e mëdha që e kanë marrë dozën e vaksinës.

“Të rinjtë janë dhe moshat aktive me më shumë kontakte dhe mund të infektohen dhe mund të jenë forma të rënda. Një tjetër element është se vaksina nuk ka qenë e ofruar për moshat e reja dhe vala delta është shfaqur në Gusht ndaj dhe mund të kemi një rritje të rasteve. Vaksina eviton format e rënda te moshat e mëdha por që të rinjtë nuk janë vaksinuar. Kemi ndërhyrë te të vjetrit dhe është ulur ky risk për të rinjtë”, është shprehur mjeku.

LEAVE A REPLY

Please enter your comment!
Please enter your name here