Vazhdon përplasja e fortë mes anëtarëve të Këshillit Bashkiak dhe kryetarit të Bashkisë, Dritan Leli. Pak minuta më parë, Leli ka bërë një tjetër lajmërim në rrjetin social Facebook ku bën me dije datën kur do mbahet mbledhja e radhës pas anulimit të mbledhjes së sotme.
Dritan Leli dhe këshilli bashkiak kanë lënë dy data të ndryshme më 29 dhe 30 qershor.Leli shkruan në FB se anulimi i mbledhjes së sotme nga anëtarët e Këshillit Bashkiak janë të pajustifikuara.
Gjithsesi ai thotë se e ndien për detyrë ta thërrasë mbledhjen e muajit më 29 qershor.
Nga ana tjetër Këshilli Bashkiak e thërret mbledhjen më 30 qershor në mjediset e Teatrit ‘’Petro Marko’’.
Pas anullimit të pajustifikuar të mbledhjes së sotshme nga anëtarët e Këshillit Bashkiak, në emër të qytetarëve të Vlorës, e ndiej për detyrë të thërras mbledhjen e muajit në datën 29 qershor për të miratuar projektvendimet dhe ndihmat që banorët presin prej Bashkisë Vlorë dhe vazhdimësinë e projekteve të tjera.
