Një ditë pasi Cristiano Ronaldo i shkaktoi një humbje prej gati 4 miliardë dollarë kompanisë Coca-Cola me reagimin e tij, në konferencë ku hoqi tej shishen, një përgjigje ka ardhur nga kompania.
“Lojtarëve u ofrohet ujë, së bashku me Coca-Cola dhe Coca-Cola Zero Sugar, pas mbërritjes në konferencat tona për shtyp”- thuhet në reagimin e Coca-Cola-s.
Cristiano njihet si një “armik” i pijeve me gaz, dhe më herët ka deklaruar se djalin e tij të vogël, Cristiano Jr, nuk e lejon të pijë pije me gaz apo të konsumojë fast-food. Por gjesti i Ronaldos, pritet të ketë pasoja për yllin portugez. Coca-Cola është sponsori kryesor i turneut Euro 2020 dhe UEFA pritet të ketë një qëndrim për sjelljen e tij.