Mjeku i njohur Halim Kosova ka treguar në Open të gjitha prapaskenat dhe arsyet se pse sipas tij e ka përjashtuar Komisioni i Etikës dhe Vlerësimit të Kandidatëve nga listat për deputetë, në kohën e Genc Rulit.
“Besnik Mustafa më ka thënë, që unë kam votuar për ty, je njeri me vlera. Genci, Nishani dhe një tjetër kot si numër votuan kundër. Nishani e ka thënë që ky s’na duhet më”, tha ai.
Vasili: Kush ka gisht sipas jush?
Kosova: Nuk është në interes në PD të them diçka. Por ata më ka thënë punët i ke me Bashën. Ça ka Tritani me mua? Kur kam qenë ministër është po ky që ka ndërhyrë që unë të mbyll sytë për një tender korruptiv, për një ilaç për leuceminë që e kishte çmimin shumë herë më të lartë se në treg. Ky është i joni më tha, për atë personin. Edhe më erdhi personi në zyrë, më tha jo kështu po ashtu, e i thashë: mos më vidh në sistemin shëndetësor sa të jem unë këtu se të gjen belaja.
Vasili: Po me Rulin dhe Nishanin?
Kosova: Kur kam qenë ministër Shëndetësie më sinjalizuan njëherë për një vjedhje në Gjirokastër, çova një ekip kontrollues dhe personi i parë që më erdhi ishte Ruli, deputeti i parë në listën e PD në atë qark, e më tha ai është njeriu im, po t’i bësh gjë atij ma kë bërë mua. Drejtorit të spitalit të Gjirokastrës domethënë. I thashë stafit mos bëni gjë dhe një javë sa të jetë zgjedhjet se do më thonë mua e ka fajin ky do ma faturojë mua që doli keq në zgjedhje. Dhe një javë pas zgjedhjeve ky drejtori i spitalit dha dorëheqjen.
