Google search engine
Home Sport Çmimet në Glove Soccer Awards, në garë për “Best Men’s Player” edhe...

Çmimet në Glove Soccer Awards, në garë për “Best Men’s Player” edhe Leo Mesi

0
16

Gara për çmimet BEYOND Developments GLOBE SOCCER Awards 2026 hyn zyrtarisht në fazën vendimtare. Këto çmime u kushtohen futbollistëve, trajnerëve dhe klubeve më të mira të sezonit 2025/26. Votimi online tashmë është hapur, duke u dhënë mundësinë tifozëve nga e gjithë bota të zgjedhin të preferuarit e tyre. Raundi i parë i votimeve do të jetë i hapur deri më 30 nëntor, ndërsa ceremonia e ndarjes së çmimeve do të zhvillohet më 28 dhjetor në Dubai. Në të njëjtën mbrëmje do të ndahen edhe çmimet LALIGA Awards 2025/26, që vlerësojnë protagonistët më të spikatur të futbollit spanjoll.

Në kategorinë Best Men’s Player spikat Ousmane Dembélé, i cili do të përpiqet të mbrojë titullin e fituar në edicionin e kaluar. Mes 26 kandidatëve janë edhe disa prej shokëve të tij të skuadrës te PSG-ja, si Desire Doue, Akraf Hakimi, Khviça Kvaratskhelia, Nuno Mendes, Zhao Neves, Vitinja dhe Fabian Ruiz. Në garë janë gjithashtu yjet e futbollit spanjoll Pau Kubarsi, Rodri dhe Lamine Jamal, si dhe Kilian Mbape, Herri Kejn, Majkëll Olise, Erling Haland, Jude Belingham dhe Lionel Mesi.

Serie A përfaqësohet nga Interi dhe dy futbollistët zikaltër Lautaro Martinez e Federiko Dimarko, ndërsa Premier League ka në listën e kandidatëve emra të njohur si Deklan Rice, Bukayo Saka, Uilliam Saliba, Dominik Szoboszlai dhe Bruno Fernandes. Përveç kandidaturës për çmimin e lojtarit më të mirë, Mesi është në garë edhe për çmimin Best Forward (sulmuesi më i mirë), ku do të përballet me rivalë si Mbape, Haland, Kane dhe Lautaro Martinez. Në kategorinë e mesfushorëve spikasin Belingham, Valverde, Pedri, Odegard, Çerki, E.Fernandez dhe Paz. Interes të veçantë paraqet edhe kategoria Best Defender (mbrojtësi më i mirë), ku përfshihen disa prej protagonistëve të PSG-së, si dhe Kubarsoi, Saliba, Magalhaes, Upamecano dhe Dimarco.

Ndërkohë, për çmimin e portierit më të mirë pritet të përsëritet dueli mes Unai Simon dhe Emiliano Martinez. Në futbollin e femrave, Aleksia Putellas, Eaa Pajor dhe Melçie Dumornay janë ndër kandidatet për çmimin Best Women’s Player (lojtarja më e mirë). Barcelona e femrave është sërish në garë për çmimin e klubit më të mirë. Sa i përket çmimit për trajnerin më të mirë, në mesin e kandidatëve spikasin Luis Enrike, Luis de la Fuente, Mikel Arteta, Unai Emery, Kristian Kivu dhe Cesk Fabregas. Vëmendje e veçantë u kushtohet edhe talenteve të rinj, me çmimin Emerging Player (talenti i ri më premtues), për të cilin do të garojnë 14 futbollistë të perspektivës.

LEAVE A REPLY

Please enter your comment!
Please enter your name here