Google search engine
Home Politike “Socialisti ‘me duar të lidhura’ po dorëzohet para jush!”/ Veliaj i drejtohet...

“Socialisti ‘me duar të lidhura’ po dorëzohet para jush!”/ Veliaj i drejtohet me letër Ballukut: Rama është kot, nuk merr dot më vendime! Më ndihmo të operohem

0
14

Kreu i Bashkisë së Tiranës, Erion Veliaj i është drejtuar publikisht ish zëvendës kryeministres Belinda Balluku si drejtuese e qarkut Fier, duke i kërkuar që të mundësojë operacionin e tij të këmbës në Tiranë.

Në një reagim në rrjete sociale, ai shprehet se kërkesat e tij drejtuar kryeministrit Edi Rama, ministrit të Drejtësisë Gogu dhe drejtoreshës së Burgjeve nuk kanë marrë përgjigje.

Duke ironizuar situaten, ai shkruan se, sipas asaj që i thuhet në burg, “hallin tënd e zgjidh veç Bela”.

“Është evidente ajo që thonë të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike.“, shkruan ai.

REAGIMI I PLOTE:

Znj. Balluku – Dr. e Qarkut Fier,

Siç dihet publikisht, por edhe nga vartësit tuaj në IEVP Fier, po e kaloj izolimin ku më sollët para 1 muaji, me një këmbë të thyer dhe nevojë akute për operacion  kjo të paktën nuk është “sekret”.

Kërkesat e njëpasnjëshme në qeveri tek KM Rama, Min. Gogu dhe drejtoresha e Burgjeve kanë rënë në vesh të shurdhër.

Është evidente ajo që thonë të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike.

Ju kërkoj të aprovoni operacionin tim në Tiranë, pranë mjekut tim dhe familjes sime.

Socialisti “me duar të lidhura”.

Erion Veliaj

LEAVE A REPLY

Please enter your comment!
Please enter your name here