Masat anti-COVID/ Ambasada jep njoftimin e rëndësishëm për qytetarët që do udhëtojnë drejt Turqisë nga 28 dhjetori

0
37

Duke filluar nga 28 dhjetori kushdo që udhëton me avion në Turqi do i duhet të ketë me vete një test PCR apo tampon negativ për COVID-19, të bërë brenda 72 orëve të fundit. E njëjta gjë dhe për persona që udhëtojnë në rrugë tokësore, por për ta masat nisin nga 30 dhjetori. Këto masa do të qëndrojnë në fuqi deri më 1 mars 2021.

Lajmi është dhënë nga vetë ambasada Turke në Tiranë, e cila njofton masat e reja të vendosura nga autoritet turke për pandeminë.

Gjithashtu bëhet me dije se udhëtarët që nuk janë pajisur me përgjigjen e testit, do të karantinohen për 7 ditë dhe më pas do t’i nënshtrohen tamponimit.

“Që nga 28 Dhjetori 2020, të gjithë udhëtarëve tanë që fluturojnë në Turqi nga jashtë u kërkohet të paraqesin një test negativ PCR të marrë brenda 72 orëve të fundit”, shkruan Ambasada Turke në Tiranë.

PËRGJIGJU

Shkruani komentin tuaj
Vendosni emrin tuaj