Nuk kemi pasur ligj/ Ministria e Drejtësisë gati për në qeveri nismën për Arbitrazhin

0
11

Ministria e Drejtësisë ka përgatitur kornizën ligjore për rregullimin e arbitrazhit vendas dhe ndërkombëtar dhe brenda pak ditësh do i kalojë për shqyrtim Këshillit të Ministrave.

Ministrja e Drejtësisë Etilda Gjonaj ka deklaruar se përcaktimi i rregullave kombëtare për zhvillimin e arbitrazhit është vlerësuar si një nga prioritetet e Qeverisë Shqiptare në drejtim të konsolidimit të shtetit të së drejtës.

Ministrja Gjonaj e ka vlerësuar se miratimi i këtij projektligji dhe një mjedisi të mirërregulluar i fushës së arbitrazhit do të sillte impakt pozitiv për të gjitha grupet e interesit, ku vlen të veçohet komuniteti i investitorëve dhe bizneseve të huaja në vend, zhvillimi i mëtejshëm i të cilëve do të sjellë më shumë të hyra në buxhetin e shtetit dhe ndikime pozitive në ekonominë e vendit, duke i mundësuar kësisoj qeverisë të kryejë më shumë investime publike.

Projektligji është hartuar nga Ministria e Drejtësisë me asistencën teknike të projektit “Konsolidimi i Sistemit të Drejtësisë në Shqipëri” (EURALIUS V) dhe do të paraqitet shumë shpejt për shqyrtim dhe miratim pranë Këshillit të Ministrave dhe mëtej në Kuvend.

PËRGJIGJU

Shkruani komentin tuaj
Vendosni emrin tuaj