Premier League angleze vijon të befasojë me rezultatet e saj dhe njëherësh rivalitetin e fortë, ku krahas skuadrave të traditës ka dhe ekipe të tjera që synojnë të lënë gjurmë. Kështu, Liverpuli javë pas jave po kthehet më i fortë. Skuadra e Andoni Iraolës pushtoi Londrën teksa në ndeshjen e javës së 10 të kampionatit iu imponua Kristal Palace duke e mundur me rezultatin 3-1 duke u ngjitur në kuotën e 18 pikëve. Ishte një ndeshje ku Krystal Palace iu anulua një gol nga sistemi VAR në minutën e 33 dhe më pas nisi spektakli i Liverpul.
Në minutën e 40, skuadra e The Reds zhbllokoi rezultatin me Mac Alister për të marrë avantazhin 1-0 me të cilin mbylli 45 minutat e para. Pas pushimit të ndeshjes, Liverpul shënoi sërish, këtë radhë me Florian Virtz që në minutën e 54 shfrytëzoi një asist të Barkola për të çuar rezultatin në 2-0. Gjithçka ishte në drejtimin e dëshiruar nga Liverpul që në minutën e 89 shënoi edhe golin e tretë, këtë radhë me Aleksandër Isak i cili u shërbye pikërisht nga Virtz për të çuar shifrat në 3-0.
Në minutat shtesë Krystal Palace shënoi me Nketiah me penallti gol që shërbeu vetëm si statistikë se sfida u mbyll 3-1 për Liverpul që parakaloi Çelsi në klasifikim me Blutë e Londrës që u dorëzuan përballë Sanderland duke humbur me rezultatin 1-0.
Në ndeshjet e tjera të Premier League, Brighton fitoi me Brentford 2-0, ndërsa Ipsuiç humbi me Burnemuth 1-2. Në fakt, Brightoni ka shfrytëzuar humbjen e Mançester Sitit, që të shtunën u mposht nga Notingham Foresti, për t’u ngjitur në vendin e dytë në tabelën e Premier Leagues, me 22 pikë. Brightoni të dielën mbrëma në kuadër të xhiros së dhjetë e mposhti Brentfordin në shtëpi me rezultatin 2:0.
Për Brightonin ishte fitorja e tretë radhazi në të gjitha garat. Vendësit të dy golat e fitores i realizuan në pjesën e parë. Mesfshori Diego Gomez e realizoi golin e parë në minutën e 15-të, kurse për 2:0 shënoi Paskal Gros nga penalltia në minutën e 42-të. Brentfordi nga minuta e 23-të luajti me një futbollist më pak në fushë pasi që sulmuesi Igor Thiago u ndëshkua direkt me karton të kuq.
Brentfordi ka 14 pikë dhe renditet në mesin e tabelës. Ndeshja më befasuese e mbrëmjes së djeshme në Premier League ishte ajo mes Mançester Junajtid dhe Aston Vilës, takim që pati shumë gola dhe emocione deri në minutën e fundit. Junajtid po humbiste ndeshjen 4-2 deri në sekondat e fundit, por bën mrekullinë duke barazuar shifrat 4-4, në një duel të çmendur.
