Kreu i Lëvizjes Vetëvendosje, Albin Kurti në një intervistë për emisionin “Tempora” ka folur për marrdhënien me kryeministrin Edi Rama dhe për takimin që pritet të zhvillojë me shefin e qeverisë shqiptare.Ai ka treguar se ku do të fokusohet biseda gjatë takimit të parë me Ramën.Pjesë nga intervista: Kozeta Kurti: Vjosa Osmani e ka quajtur fatkeqësi idenë e krijimit të “shengenit”. “Mendoj se është fatkeqësi që një gjë e tillë ka ndodhur. Nuk e di nëse kryeministri Rama është konsultuar me dikë nga Kosova para se të arrinte një marrëveshje të tillë, por është totalisht e gabuar”, ka thënë zonja Osmani. Albin Kurti: As unë nuk e di nëse është konsultuar, mirëpo kjo është një ndër çështjet që do ta ngre në takimin e parë me kryeministrin e Republikës së Shqipërisë, qoftë kjo si fitues i zgjedhjeve, apo edhe si kryeministër i Republikës së Kosovës. “Me fitoren e VV-së qeverisja është shërbim dhe shteti është Republikë”