Nëse ju pëlqejnë ‘shfaqjet’ e qiellit atëherë kjo do të jetë java juaj. Kjo pasi pritet që të ndodhe diçka e rrallë, Hëna e të Korrave.
Ky event, sipas ekspertëve ndodh çdo vit ndërsa kjo do të jetë hëna e 9-të e plotë që kemi pasur gjatë vitit 2019.
Ajo që e bën të veçantë këtë fenomen është fakti se hëna e plotë në këtë rast do të jetë më e vogël se zakonisht. Më konkretisht do të jetë 14 për qind më e vogël duke e bërë të duket si një ‘mikro-hënë e plotë’.
Duke folur për Daily Express, astronomi Joe Rao tha se masa e zvogëluar e hënës lidhet me pozicionin që ajo do të ketë në qiell.
Ai shpjegoi:
Hëna do të duket më e vogël në madhësi pasi ndodhet në distancën e saj më të largët me Tokën.”
Hëna e plotë të premten më 13 shtator është esktremisht e rrallë. Hera e fundit që kjo ka ndodhur ishte 20 vite më parë në vitin 2000 dhe nuk pritet të shohim një tjetër deri në vitin 2049.
