Ministrja e Arsimit, Besa Shahini në një deklaratë për mediat, ka bërë të ditur se do të shkarkohet nga detyra Rektori i Universitetit të Tiranës, Mynyr Koni.
Ministrja Shahini akuzoi rektorin Koni për mungesë të bashkëpunimit, për përmbushjen e pikave të Paktit për Universiteti, gjë e cila sipas saj e ka detyruar të ndërmarrë këtë vendim.
“Më vjen keq për zotin Koni, unë jam udhëheqëse dhe dua të sigurohem që reforma po zbatohet.
Është e vështirë që të marrësh vendim për të pezulluar dikë që është zgjedhur me vota.
Vendimin për të shkarkuar rektorin e merr presidenti dhe ai do ketë në dispozicion çdo informacion.
Jam dakord me Presidentin ku në Universitetin e Tiranës, nuk është zbatuar ligji dhe është keqmenaxhuar.
Jam e bindur që Presidenti do të marrë vendimin e duhur për të zgjidhur ngërçin në Universitetin e Tiranës”, tha Shahini.