Edhe pse nuk kanë dalë ende analizat e ADN-së, krahasimi i shenjave të gishtave dhe këqyrja fizike e bërë nga policia dhe grupet hetimore tregojnë se personi që mbeti i vrarë dje në aksionin e grabitjes së mbi 10 mln eurove në Aeroportin e Rinasit, ka karakteristika të ngjashme me ato të Admir Muratajt.
Mëngjesin e sotëm mësohet se janë thirrur në polici edhe bashkëshortja dhe vëllai i Admir Muratajt për identifikimin e viktimës.
“Zyrtarisht nuk dimë gjë për vëllanë. Familja jonë po merr ngushëllime. Policia nuk ka konfirmuar se i vrari është Admir Murataj”, është shprehur ndër të tjera i vëllai.