Trajneri i Kombëtares shqiptare, Kristian Panuçi, ka qenë pasditen e sotme i ftuar në emisionin “Rudina”.Ai ka folur për situatën në ekipin e Shqipërisë, ndërsa gjatë intervistës u ngacmua edhe për himnin kuqezi, të cilin nuk di ta këndojë. Ai u shpreh: Jam shumë i lumtur në Shqipëri, kam gjetur një vend të madh, me dinjitet të madh. Me një reagim të madh ndaj të ardhmes. Jam i lumtur që gjendem këtu.Ka qenë një vit shumë i vështirë, sepse na kanë munguar shumë lojtarë. Ka qenë një vit miqësoresh, dhe Liga e Kombeve. Po mundohemi të ndërtojmë një grup me lojtarë që të jemi konkurues të denjë për Europianin 2020.Himni? Duhet të mërziteni me Dukën, që mendon se është e rëndësishme skuadra, se sa himni. Kur të shkoj në Europian, do e mësoj himnin.”
