Robert Aliaj prezantoi të dielën këngën e tij pjesmarrëse në “Kënga Magjike 2018” me titull “Ah ku më hodhi Zoti”. Kënga përmban vargjet e shkrimtarit të madh Fan Noli “Anës lumenjve” që Aliaj i ka përshtatur me momente të realitetit shqiptar, duke sjellë kështu një këngë ndryshe nga çfarë jemi mësuar të dëgjojmë në festival. Vetë artisti ka zgjedhur që të bëjë një postim në llogarinë e tij në Instagram ku të shpjegojë edhe ndjesitë e tij për këtë krijim dhe shkruan se kënga e tij është kënga barrikadash dhe jo këngë kompromisesh
“KENGE BARRIKADASH – JO KOMPROMISESH Kjo është kënga që e kendonkushdo në heshtjen e tij të terrorizuar nga realiteti. Nëse do të ndryshosh kete realitet të pa dëshirueshëm, ndërto një model të ri që e bën modelin ekzistues të vjetërsuar. Nuk vlen të krijosh një vepër arti të pëlqyeshme estetikisht … Unë dua tju jap një shkelm bythëve, ti vë zjarrin indiferencës së njerëzve, për ti bërë ata të tremben nga vetëkënaqësia e tyre ne boshllëk. #ahkumehodhizoti”, shkruan Robert Aliaj.