Një lajm tragjik ka tronditur sportin e golfit ditën e sotme.
Sportistja spanjolle Celia Barquin Arozamena është gjendur e pajetë në fushën e një kompleksi golfi në Soldwater Links, SHBA.
22-vjeçarja u gjet nga një grup të rinjsh, e hedhur në një çantë, ndërsa kanë njoftuar menjëherë policinë.
Në trupin e saj policia gjeti shenja agresioni, ndër to edhe shenja prerje me thikë në qafë.
Policia ka arrestuar Collin Danile Richards, një djalë që jetonte aty afër, pasi ai kishte shprehur dëshirën për të vrarë një femër, tek disa të afërm.
Kur i dyshuari u arrestua, kishte në fytyrë edhe shenja gërvishtje, si dhe iu gjet një thikë që dyshohet të jetë e krimit.
Ajo konsiderohej si një nga yjet e ardhshme të golfit, teksa në korrik të këtij viti pati fituar edhe turneun e amatoreve të zhvilluar në Sllovaki.
