Një kolonel i ushtrisë ruse është vrarë pas shpërthimit të një makine-bombë në lagjen Pushkinsky të Shën Petersburgut. Ngjarja u regjistrua të martën, ndërsa autoritetet ruse kanë nisur hetimet për zbardhjen e rrethanave dhe identifikimin e autorëve të mundshëm.
Sipas informacioneve paraprake, viktima ishte pilot ushtarak dhe ndodhej i vetëm në automjet në momentin e shpërthimit. Shpërthimi i fuqishëm i mori jetën, ndërsa deri më tani nuk janë bërë të ditura detaje të tjera mbi mënyrën e vendosjes dhe aktivizimit të lëndës plasëse.
Car bomb kills Russian army colonel in St. Petersburg
According to preliminary reports, the victim was a military pilot. He was alone in the car at the time of the explosion.
Media reports say an explosive device was attached underneath the vehicle and remotely detonated as the car was leaving the courtyard.
— NEXTA (@nexta_tv) November 12, 2026
Komiteti Hetimor i Rusisë konfirmoi nisjen e një hetimi penal për vrasjen e një pjesëtari të forcave të armatosura. “Autoritetet hetuese kanë nisur një hetim penal për vrasjen e një anëtari të forcave të armatosura”, thuhet në deklaratën zyrtare. Hetuesit po punojnë për të zbardhur rrethanat e shpërthimit dhe për të përcaktuar nëse kemi të bëjmë me një atentat të organizuar.
