Zbardhen detaje të reja nga momenti i ekzekutimit të biznesmenit Ardian Nikulaj nga një person i paidentifikuar në lokalin e tij në pedonalen e Shëngjinit.
Siç shihet dhe nga pamjet e siguruara nga Panorama.al, autori i veshkur me skafandër dhe jelek ka hyrë në ambientin e lokalit ku po qëndronte biznesmeni, ku dhe i ka drejtuar armën.
Ngjarja ka ndodhur në prani dhe të një qytetari tjetër ndërsa shënjestër e plumbit ishte biznesmeni Nikulaj.
Autori i ekzekutimit të biznesmenit Ardian Nikulaj dyshohet se ka lëvizur me një automjet tip Range Rover me targa angleze ngjyrë të zezë. Dyshohet se ai u kamuflua me uniformë policie për të mos ngritur dyshime tek viktima dhe për t’i shpëtuar efektivëve.
Viktima njihet si biznesmen i fuqishëm në zonën e Lezhës. Ai ka mbajtur postin e drejtorit të Aluiznit në Lezhë, si edhe ka kandiduar gjithashtu për deputet në zgjedhjet parlamentare 2021 nën logon e PSD.
Gjithashtu ishte regjistruar në listat e këshillit bashkiak të Lezhës për zgjedhjet lokale të 14 majit.
