“Nuk dihet nëse ekziston”, Lorenc Vangjeli flet për dosjen e bujshme: Gjërat që janë përgjuar, kanë qenë dramatike, Sali Berisha mund të arrestohej menjëherë! Kush ishte malazezi “misterioz” që e ndaloi…

0
50

Analisti Lorenc Vangjeli deklaroi se i pari që është përgjuar ka qenë Sali Berisha kryesisht për ngjarjet e shtatorit të 1998 dhe marrëdhëniet e tij me Bujar Bukoshin.

“Historinë e përgjimeve e përhapi Presidenti i Republikës. E thënë një gjë e tillë, më së paku është një cënim i rëndë i sigurisë kombëtare. Shqipëria ka histori të gjatë me përgjimet dhe me personazhet si Rama, Meta, Basha. Kam përshtypjen se i pari ka qenë përfitues Berisha i kësaj prapësie të paligjshme. Ai ka qenë politikani i pare që është përgjuar, por me vendim gjykate. Mendoj që në atë kohë Berisha nuk përdorte telefon dhe gjërat që janë përgjuar në atë kohë, kanë qenë dramatike ndoshta indicie sa për të mundësuar arrestimin e tij pasi kanë qenë të lidhura me Grushtin e Shtetit. Janë gjetur disa biseda të tij me ish- kryeministrin e Kosovës në atë kohë me Bujar Bukoshin, ku flitej për të siguruar 300 a 400 të armatosur të cilët vinin në Tiranë dhe është dhe një personazh tjetër i cili nuk është identifikuar por mendohej se ishte nga Mali i Zi, i cili kishte një ton urdhërues ndaj Berishës i cili i ka thënë ‘Mjaft’ dhe u tërhoqën. Nuk dihet nëse kjo dosje ekziston ende. Me date 23 dhjetor të të njejtit vit, me Majkon dhe Metën, Berisha u ftua në një takim me dyer të mbyllura ku kam qenë dëshmitar, ku iu kërkua nga Majko dhe Meta që të hiqte dorë nga demonstratat që bënte në rrugë. Atëherë pati një përgjigje ku iu tha se do të goditej nëse do të vazhdonte. Por Berisha nuk u godit, por u rehabilitua,” u shpreh Vangjeli në ‘Kontrast’.

PËRGJIGJU

Shkruani komentin tuaj
Vendosni emrin tuaj