Shet trupin e saj për të rritur 2 fëmijët, 25-vjeçarja rrëfen detajet nga jeta e saj: Për dy ditë fitoj sa për një muaj punë! Ka edhe njerëz që më kanë…

0
37

Një 25-vjeçare nga Gramshi e divorcuar dhe nënë e dy fëmijëve, detyrohet të shesë trupin e saj për të mbijetuar.

U martua dhe solli në jetë dy djem. Është nga Gramshi. Sot është me statusin e divorcuar. Si pasojë e gjendjes së rëndë ekonomike, por dhe si pasojë e braktisjes nga institucionet kombëtare dhe vendore, detyrohet të prostituojë në hyrje të qytetit të Elbasanit, vetëm për të rritur dy fëmijët.

“Në radhë të parë gjendja e rëndë ekonomike sepse nuk mund t’i mbaj fëmijët me një rrogë normale në Shqipëri”, tha ajo për ABC

Rrogë normale konsideron shumën 15 mijë lekë. Me nivelin e ulët arsimor që ka nuk ka gjetur punë me pagë më të lartë.

Këtë shumë parash që do e merrte me punë legale për një muaj e fiton për dy ditë.

“Fitoj 70-80 mijë lekë në natë”.

E pambështetur në jetë, e pasigurtë në rrugë.

“Edhe më kanë dhunuar, ka njerëz të mirë po ka dhe të këqinj”.

Rolanda siç vendosi ta quajmë, shitjen e trupit e paragjykon dhe vetë.

“Shumë, shumë e ofenduar, shumë shumë keq, por për fëmijët do bëj çdo gjë”.

Dëshiron të lerë rrugën, të nisë një jetë re. Thotë se do të largohet jashtë vendit e të bëjë punë të ndershme. Ish-bashkëshorti e pengon.

“Ai nuk më jep prokurën për të ikur jashtë. Institucionet të ndihmojnë njerëzit që janë si puna ime. Të na japin një prokurë nëse burri s’ta jep”.

Prostituon fshehur të afërmve. Maskohet që mos zbulohet. Shpresëhumbur se do ti dalë dikush në krah, Rolanda do të vazhdojë të qëndrojë në rrugë në pritje të klientit të radhës.


PËRGJIGJU

Shkruani komentin tuaj
Vendosni emrin tuaj