Përfaqësuesja ka grumbulluar 9 pikë në katër takimet e para, duke qenë në vend të parë por në pozita jo fort të sigurta, sepse rivalët, Bjellorusia e Finlanda kanë nga 7 pikë dhe njërën nga ndeshjet e mbetura e kanë me San Marinon. Ndërkohë, Kombëtarja shqiptare rikthehet në “Air Albania” më 12 nëntor, për një nga sfidat më të rëndësishme të saj në UEFA Nations League. Kuqezinjtë do të përballen me Finlandën në orën 20:45, në ndeshjen e parafundit të Grupit C1. Federata e Futbollit njofton se biletat për ndeshjen Shqipëri – Finlandë kanë dalë në shitje. Biletat janë të ndara sipas kategorive të përcaktuara për stadiumin “Air Albania”.
