Një ish-ndihmëse e ngushtë e Hillary Clinton ka shkruar një libër autobiografik ku në të tregon sesi është sulmuar seksualisht nga një senator amerikan
Sipas BBC, Huma Abedin tha se politikani i paidentifikuar u hodh mbi të në një divan në mesin e viteve 2000 pasi e ftoi në shtëpinë e tij. Ajo thotë se e kundërshtoi atë ndërsa ai u përpoq ta puthte dhe shpëtoi.
Ngjarja është detajuar në librin e saj të ri, ‘Both/And A Life in Many Ëorlds’, i cili do të botohet javën e ardhshme. Ajo përshkruan sulmin seksual ndërsa rrëfen punën e saj për zonjën Clinton kur ajo ishte senatore amerikane për Nju Jorkun midis viteve 2001-09.
Abedin, tani 45 vjeç, nuk zbulon identitetin e senatorit apo as partinë e tij. Ajo tregon se pas një darke në Uashington doli me politikanin dhe kur u ndalën para shtëpisë së tij ai e ftoi brenda për kafe. Ajo pranoi.
“Më pas, në një çast, gjithçka ndryshoi. Ai u rrëzua në të djathtën time, më vuri krahun e tij të majtë rreth supit dhe më puthi, duke më shtyrë gjuhën e tij në gojën time, duke më shtyrë përsëri në divan. Isha shumë e tronditur, saqë e largova. Gjithçka që doja ishte që 10 sekondat e fundit të fshiheshin”.-tregon ajo në një pjesë të librit.
Abedin ishte një nga njerëzit më të besuar të kandidates demokrate për presidente të vitit 2016 dhe ish-sekretares së shtetit të kohës së Obamës, Hillary Clinton, dhe dikur u përshkrua nga ajo si “vajza e dytë”.
