“Nuk do jem në Gala, s’kam ftesë zyrtare”/ TKOB reagon pas deklaratës së Inva Mulës, nxjerr e-mail-et dhe sms-të

0
30

Pas deklaratës së sopranos Inva Mula, e cila tha se nuk kishte marrë një ftesë zyrtare për të qenë pjesë në mbrëmjen Gala të Inaugurimit të Rikonstruksionit të Teatrit Kombëtar të Operas dhe Baletit, ka ardhur një reagim nga ky i fundit.

TKOB ka mohuar kategorikisht këtë fakt, ndërsa thekson se nëpërmjet Drejtoreshës Artistike, Abigeila Voshtina, i është dërguar edhe Inva Mulës ftesat zyrtare për pjesëmarrjen në programin artistik. 
REAGIMI I TKOB
Të nderuar,
Në respekt të ndjekësve fanatik të TKOB, publikut të gjerë, artistëve dhe medias, ju informojmë në lidhje me të vërtetën e ftesave zyrtare, të cilat ju janë bërë artistëve ekselentë shqiptar, për pjesëmarrjen në programin e Mbrëmjes Gala të Inaugurimit të Rikonstruksionit të TKOB.
TKOB nëpërmjet Drejtoreshës Artistike, znj. Abigeila Voshtina, ashtu si të gjithë artistëve shqiptar ekselentë, i ka dërguar edhe znj. Inva Mula ftesat zyrtare për pjesëmarrjen në programin artistik të Mbrëmjes Gala të Inaugurimit të Rikonstruksionit të TKOB.
Këto ftesa zyrtare, janë përsëritur tre herë, duke filluar nga data 11 NËNTOR 2019, pasi TKOB ka patur në planet e veta që atëherë realizimin e Mbrëmjes Gala të Inaugurimit, plane të cilat janë shtyrë për shkaqe madhore si: tërmeti i nëntorit 2019 dhe më pas situata Covid 19.
Më poshtë gjeni tre email-et e dërguara në tre periudha të ndryshme, që përkojnë me parashikimet tonë të rihapjes së teatrit. Email-i i fundit zyrtar nga Drejtoresha Artistike e TKOB, znj. Abigeila Voshtina është dërguar në adresë të znj. Inva Mula në 19 KORRIK të vitit 2021 me shpresën që ajo do të kishte mundësi të merrte pjesë në Mbrëmjen Gala, por deri më tani nuk ka kthyer asnjë përgjigje.
Sqarojmë gjithashtu se një muaj përpara ftesës së fundit zyrtare të bërë nga Drejtoresha Artistike, znj. Voshtina (në email-in e datës 19 KORRIK 2021), Drejtoresha e Përgjithshme e TKOBAP-së, znj. Zana Çela i ka dërguar në datë 14 QERSHOR 2021 një mesazh shoqëror në WhatsApp, znj.Mula, por edhe në këtë rast nuk ka patur asnjë përgjigje. Më poshtë gjeni të renditur sipas datave ftesat zyrtare në email dhe mesazhin.“Nuk do jem në Gala, s’kam ftesë zyrtare”/ TKOB

“Nuk do jem në Gala, s’kam ftesë zyrtare”/ TKOB
“Nuk do jem në Gala, s’kam ftesë zyrtare”/ TKOB
“Nuk do jem në Gala, s’kam ftesë zyrtare”/ TKOB

PËRGJIGJU

Shkruani komentin tuaj
Vendosni emrin tuaj