Personat në foto janë dy ish-truprojat e ish-ministrit të Brendshëm Saimir Tahiri, të cilët u arrestuan sot pasi ishin në kërkim ndërkombëtar për trafik droge.
Burime bëjnë me dije se Hekuran Marku është arrestuar në Gjermani dhe Paul Deda alias Agustin Deda u prangos në Francë.Prokuroria e Posaçme ka dërguar të gjithë dokumentacionin e nevojshëm për ekstradimin e tyre në Shqipëri.
Dy ish-truprojat e Tahirit u shpallën në kërkim ndërkombëtar në kuadër të operacionit “Shpirti”, ku asokohe u arrestuan 38 persona.
Mes të arrestuarve ishte edhe prokurori i Vlorës Maksim Sota si edhe të disa zyrtarëve të lartë të policisë. Operacioni u zhvillua në bashkëpunim me autoritetet italiane.
