Këngëtari i njohur shqiptar, Aleksandër Gjoka është arrestuar pasi drejtonte automjetin në gjendje të dehur dhe u përfshi në një aksident. Ngjarja ndodhi në orët e para të mëngjesit, në zonën e Farkës.
Në një postim që ka bërë në orët e vona të mbrëmjes së djeshme në rrjetet sociale, Gjoka na tregonte se ishte duke festuar me mikun e tij, ish-kryebashkiakun e Durrësit, Vangjush Dakon.
“Me shokun dhe mikun tim te hershem Vangjush Dako(Gjushi)”, shkruante këngëtari në statusin e tij në ‘Facebook’.
Tashmë këngëtari ndodhet në spitalin e Traumës, për shkak të dëmtimeve që ka marrë nga përplasja gjatë aksidentit. Kujtojmë se kjo nuk është hera e parë që arrestohet këngëtari i njohur.
