Policia e Shtetit jep informacion lidhur me shpërthimin e transformatorit në rrugën dytësore të autostradës Tiranë-Durrës. Policia njofton se janë dëmtuar 3 persona të cilët janë punonjës të firmës së rekonstruksionit që ndodhet pranë transformatorit ku ndodhi shpërthimi.
Njoftimi i plotë:
Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndije elektrike ka shpërthyer një transformator elektrik.
Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjekësore.
Grupi hetimor ndodhet në vendngjarje dhe po vijon punën për sqarimin e mëtejshëm të rrethanave të ngjarjes.