Çfarë po ndodh në ‘Shtëpinë e Bardhë’, Trump nuk paguan…

0
390

Presidenti amerikan Donald Trump tha të premten se Shtetet e Bashkuara nuk i paguan para Koresë së Veriut, për lirimin e Otto Warmbier, një ditë pasi një raport tha se Trump kishte miratuar një projekt-ligj prej 2 milionë dollarësh për Phenianin, në këmbim të kujdesit ndaj studentit amerikan.

“Nuk u paguan para ndaj Koresë së Veriut për Otto Ëarmbier, as dy milionë dollarë dhe as ndonjë shumë tjetër”, shkroi Trump në Twitter.

“Nuk kam paguar para për ndonjë peng”, u tha Trump më vonë gazetarëve në Shtëpinë e Bardhë, duke shtuar se rasti i Warmbier ishte “shumë i pazakontë”.

Uashington Post raportoi të enjten se Trump kishte miratuar një projektligj për pagesën e 2 milionë dollarëve ndaj Phenianit, për të blerë kujdesin e tij për studentin e kolegjit, i cili u mbajt në një burg të Koresë së Veriut për 17 muaj deri në qershor 2017.

Departamenti i Thesarit mori faturën nga Koreja e Veriut dhe ajo mbeti e papaguar deri në vitin 2017, raportoi Posta. Nuk ishte e qartë nëse administrata e kishte paguar faturën më vonë.

LEAVE A REPLY

Please enter your comment!
Please enter your name here