Ambasadori amerikan: Në Kosovë qeveritarët marrin rryshfet, koha të luftohet korrupsioni

0
572

Është hapur sot “Java Kundër Korrupsionit 2018”, ku morën pjesë ambasadorët e shteteve të Quintit, të cilët përçuan mesazhin e tyre për luftimin korrupsionit në Kosovë. Natalyia Apostolova, shefe e Zyrës së BE në Kosovë tha se korrupsioni si fenomen e prishë imazhin e Kosovës.Ajo tha se një pako e ligjeve për luftimin e korrupsionit janë miratuar, por edhe duhet të zbatohen. “Kemi kërkuar nga autoritetet e Kosovës të marrin veprime të rrepta kundër korrupsionit…”, theksoi ajo. Philip S. Kosnett, ambasadori i ri i SHBA-së në Prishtinë ka thënë se Kosova ka miratuar 9 ligje dhe reforma në sektorin e drejtësisë, por sipas tij, disa qeveritarë marrin mito, ndërhyjnë në sistemin drejtësisë dhe punësojnë të afërmit e tyre, e  kjo sipas tij, duhet të stopohet. “Në Kosovë ka zyrtarë që shpeshherë e vendosin në prioritet çështjen personale para asaj të shoqërisë. Ka ardhur koha që duhet të veprohet në luftimin e korrupsionit”, ka thënë Kosnett. Ambasadori i Britanisë, Ruari  O’Connell ka thënë se në mënyrë që Kosova të jetë një shtet i fortë dhe i sigurt, duhet të luftoj korrupsionin, sikur që luftohet në Britani. Ai ka shtuar se në sistemin e drejtësisë ka ndërhyrje nga pushtetarët. Ndërkaq, ambasadori i Italisë në Kosovë, Piero Cristoforo Sardi ka thënë se asnjë vend nuk është imun prej korrupsionit, e as Kosova, raporton KP.  “Transparenca është e domosdoshme kur ka fonde publike, siç është sektori i prokurimit. Korrupsioni pengon potencialin ekonomik, shoqëror e politik dhe lufta kundër korrupsionit duhet të ndodhë…”, theksoi ai.I ngarkuari me punë në ambasadën e Gjermanisë në Kosovë, Jan Axel Voss ka thënë se korrupsioni ka të bëjë me lakminë që të merren të mirat e shoqërisë. Kjo thjesht sipas tij, e minon të ardhmen e qytetarëve.“Dëshirojmë që mos të ketë korrupsion dhe parat e qytetarëve mos të shkojnë në xhepat e të korruptuarve. Të prehet korrupsioni, sepse sa më pak korrupsion aq më shumë do të ketë zhvillim ekonomik”, tha ai.Ambasadori i Francës, Didier Chabert theksoi se Kosova ka miratuar ligjet kyçe për konflikt interesi, andaj Kosova duhet bëhet shembull për luftimin e kësaj të keqe.

LEAVE A REPLY

Please enter your comment!
Please enter your name here