Zgjidhet presidenti i ri i Organizatës Ndërkombëtare të Policisë, INTERPOL. Koreano jugori Kim Jong Yang është tashmë drejtuesi më i ti i INTERPOL, i cili u zgjodh ditën e sotme në konferencën e Dubait.
Këhtu Rusia nuk arriti të marrë drejtimin e organizatës së policisë.
Kujtojmë se katër senatorë amerikanë publikuan të hënën një letër të hapur, ku i kërkonin Presidentit Donald Trump të kundërshtonte kandidaturën e rusit Aleksandër Prokopçuk, zëvendëspresident i tanishëm i Interpolit.
Senatorët shkruanin se Prokopçuk është “i përfshirë personalisht” në atë që në letër cilësohet si rutinë ruse e “abuzimeve me Interpolin për hakmarrje ose përngacmimin e kundërshtarëve politikë, disidentëve dhe gazetarëve”.
Në përgjigje të kritikave ndaj Prokopçukut, zëdhënësi i Kremlinit, Dmitri Peskov tha se “kjo është ndoshta një lloj ndërhyrjeje në procesin zgjedhor të një organizate ndërkombëtare”.