Ministri shtetëror për Evropë në Ministrinë e Punëve të Jashtme të Gjermanisë, Michael Roth kritikoi sot autoritetet hungareze për dhënien e azilit ish-kryeministrit të Maqedonisë Nikolla Gruevski, duke e ndihmuar që të mos përballet me drejtësinë.
“E drejta për azil është e drejtë njerëzore. Është një gjest mirënjohës për njerëzimin, por jo edhe për mikun e shefit të qeverisë, për t’i ikur drejtësisë. BE-ja duhet të mbetet bashkim i shteteve demokratike dhe ligjore”, shkroi Roth në llogarinë e tij në Twitter.
