Detaje të reja kanë dalë në lidhje me vrasjen e Fatos Ferracakut në Shkodër.
Dyshohet se Fatos Ferracaku ka parë vrasjen e kushëririt të Arjan Ferracakut i cili u vra mbi kalë në datën 1 shtator.
Duke qenë se ishte peshkatar Fatos Ferracaku ka qënë pranë hidrovorit, shumë afër zonës ku u vra Arjan Ferracaku. Mësohet se Ferracaku pa autorët e vrasjes teksa largoheshin pasi ekzekutuan Arjan Ferracakun.
Burime nga grupi hetimor konfirmojnë se kjo është pista kryesore e hetimeve. Dyshohet se Fatos Ferracaku kishte folur me një person tjetër që kishte parë autorët e vrasjes së Arjan Ferracakun
Arjan Ferracaku, babai i dy fëmijëve të mitur, u vra me breshëri kallashnikovi teksa po kalëronte me dy kushërinjtë e tij. Ngjarja e rëndë ndodhi në zonën e Livadheve, ku 30-vjeçari bashkë me kushërinjtë ishin duke bërë stërvitje.
