Dhunimi i Xhensilës, Jorida Tabaku bën publike votën e deputetit Rraja: Ironike apo jo…

0
294

Deputetja e PD-së, Jorida Tabaku, teksa kujton heshtjen e kolegeve te PS-së, ministreve dhe zv.kryeministres, për dhunën që djali i deputetit socialist ushtroi ndaj ish-të dashurës, publikon votën që deputeti Rraja ka dhënë pro rezolutës së PD-së, e cila dënonte dhunën e ushtruar në familje si dhe dhunën ndaj grave.

“Për të ardhur keq që sot nuk jemi aq të bashkuar sa ditën që u miratua rezoluta e propozuar nga PD. Por çdo e keqe nuk vjen vetëm, më kujtohet se si këtë rezolutë përpos zonjave, që u distancuan nga dënimi i këtij akti çnjerëzor, e ka votuar edhe deputeti Rrahja. Ironike apo jo? Akoma më tej, një ndër deputetët kyç të mazhorancës që nuk e votuan këtë rezolutë ishte dhe kryeministri Rama, që në heshtje vazhdon të mos e votojë edhe sot!”- shkruan ajo në një postim ne faqen e saj ne FB.

Reagimi i Jorida Tabakut

Partia mbi të gjitha!

Thuajse një vit më parë në parlamentin e Shqipërisë, Partia Demokratike dërgoi një rezolutë e cila dënonte dhunën e ushtruar në familje si dhe dhunën ndaj grave. Kjo rezolutë u miratua në konsensus të gjerë nga të gjithë deputetët e kuvendit, madje shumë prej kolegeve dhe kolegëve socialistë nënvizuan edhe se si qeverisja e tyre kishte rritur numrin e grave në krye të ministrive.

Fatkeqësisht, sot tre ditë pasi në media është bërë publike jo vetëm rasti i dhunimit të një femre nga djali i një deputeti të mazhorancës, por edhe heshtja dhe bashkëpunimi i komisariateve të policisë, ne nuk kemi asnjë reagim nga asnjë prej kolegeve socialiste. Shqipëria sot po vuan një polarizim të turpshëm dhe aspak të shëndetshëm edhe në çështje të tilla ku nuk duhet të kemi ndarje.

Nuk e di se sa e dobishme dhe e vlefshme është fakti që sot ka më shumë ministre femra në qeveri apo se zëvendës kryeministrja është një zonjë, kur deputetet në kuvend heshtin për dhunën e ushtruar ndaj femrave nga djali i një deputeti socialist, apo që pjesë në fshehjen e kësaj dhune nga policia.

Nuk e di se sa e ndershme është që në javën kur ne diskutuam me kolegët e Dhomës së Përfaqësuesve të Anglisë për të rritur luftën kundër trafikut të qenieve njerëzore dhe skllavërisë moderne vjen kjo heshtje. Koleget e mazhorancës, ndonëse kanë qenë edhe kryetare të OJF-ve që janë marrë me të drejtat e grave, kanë qenë drejtuese të Komitetit të Helsinkit e gjejnë të udhës të heshtin apo t’i shmangen detyrimit më njerëzor, denoncimit të këtij akti brutal dhe distancimit.

Për të ardhur keq që sot nuk jemi aq të bashkuar sa ditën që u miratua rezoluta e propozuar nga PD. Por çdo e keqe nuk vjen vetëm, më kujtohet se si këtë rezolutë përpos zonjave, që u distancuan nga dënimi i këtij akti çnjerëzor, e ka votuar edhe deputeti Rrahja. Ironike apo jo? Akoma më tej, një ndër deputetët kyç të mazhorancës që nuk e votuan këtë rezolutë ishte dhe kryeministri Rama, që në heshtje vazhdon të mos e votojë edhe sot!

Asgjë e re nga fasadat e qeverisë; Ky është një tjetër shembull i mirë se si tjetër gjë flasin, tjetër gjë besojnë dhe ndryshe veprojnë.

PËRGJIGJU

Shkruani komentin tuaj
Vendosni emrin tuaj