Kryeregjistruesi Valdrin Pjetri ka kërkuar nga drejtuesit vendorë të hipotekave që të respektojnë afatet për regjistrimin e titujve të pronësisë. Gjatë një takimi të zhvilluar në ambientet e Ministrisë së Drejtësisë, Pjetri paralajmëroi largim nga vendi i punës për abuzuesit.
“Verifikoni çdo ankesë të platformës së bashkëqeverisjes dhe evidentoni çdo punonjës që ka neglizhuar në dhënien e shërbimit ndaj qytetarëve dhe largimin e atyre që kanë abuzuar me afatet e dhënies së këtij shërbimi”, u ka kërkuar kryeregjistruesi drejtuesve vendorë të Zyrave të Regjistrimit.
