Një situatë vërtet komike kjo që shfaqet në video për deputetin e PD, Klevis Balliu, i cili është marrë në krahë nga një grup protestuesish dhe është hedhur në lumin e Lanës.
Për t’i shpëtuar dhunës, Balliu Junior e ka çarë Lanën tejpërtej me këmbë dhe është ngjitur në anën tjetër të saj. Në video dëgjohen protestuesit që i thonë: “Ku shkon, ore?”, duke menduar se do të përpiqej të dilte sërish nga ana ku e kishin hedhur.
Siç dihet, dy ditë më parë, Balliu udhëzonte protestuesit të digjnin Ministrinë e Arsimit. Kjo shkaktoi shumë zemërim tek protestuesit e tjerë, të cilët u ndien të përdorur prej tij. Sulmi ndaj tij sot duket se është çështje e rivalitetit të brendshëm në protestë, pse jo edhe në PD.
Në video ai shihet duke dalë me vështirësi nga uji.
